Kryetari i PD-së, Lulëzim Basha, bëri të ditur se grupi parlamentar i PD-së sot pasdite do të depozitojë në Kuvend kërkesën për largimin nga kuvendi të kryeministrit, Edi Rama, të cilin ai e etiketoi si “gojëfëlliqur”. Këto deklatrata Basha i bëri pak pas mbarimit të mbledhjes së grupit parlamentar të PD-së. Sipas tij, ka qenë Rama ai që ka provokuar opozitën dhe ajo si kundër reagim e ka qëlluar me vezë. Basha nga ana tjetër ka paraljamëruar se PD-ja është e vendosur që të blllokojë Kuvendin, deri sa me ligj të largohet deputeti i PS-së, Armando Prenga nga Kuvendi deri në përfundim të procesit gjyqësor ndaj tij. Sipas Bashës, ky është një kusht i panegociueshëm dhe ka akuzuar Ramën se është i vetmi që po bllokon këtë nisëm të PD-së. Basha ka kërkuar që kryeministrit të heqë dorë nga bllokimi dhe të reflektojë.
