Kryetari i Partisë Demokratike Lulzim Basha ka pritur në selinë blu të afërm e familjarë të 11 kuksianëve që mbetën në burg pas protestës së Kalimashit.
Pas takimit ai dha një deklaratë për mediat në të cilën ka shprehur vendosmërinë për vijimin e protestave dhe mosbindjes civile deri në lirimin e personave që mbahen në qeli.
“Edi Rama është një frikacak i mbyllur në bunkerin e tij, dhe nga bunkeri nuk kupton dot hallin që nxiti revoltën e këtyre njerëzve të thjeshtë. Por futja në bunker është edhe fundi i autokratëve të korruptuar e të inkriminuar. Ndaj u bëj thirrje shqiptarëve të vazhdojmë së bashku kryengritjen qytetare, aktin që ndërmorën qytetaët e Kukësit.
Të vazhdojmë deri në fitore të përbashkët për t’i dhënë fund njëherë e mirë një shteti grabitqar, një shteti të pripavatizuar nga Edi Rama, i cili për hir të xhepave të tij vërsuli policinë kundër njerëzve të pambrojtur ndëkorhë që trafikantët ministrat e korruptuar, që kanë bërë miliona dollarë me lekët e taksës së qarkullimit që vidhet, ata të mbajnë përgjegjësi. Nuk ndalemi pa u liruar 11 qytetarët e Kukësit që mbahen në burg në mënyrë të padrejtë. Nuk ndalemi deri në anulimin e taksës”, deklaroi Basha./a.m.
