Kryetari i partisë Demokratike Lulzim Basha ndodhet në SHBA ku po zhvillon një sërë takimesh me zyrtarë të administratës së re amerikane. Ditën e djeshme basha takoi kreun e Kongresit amerikan Newt Gingrich.
“Dje paradite isha i ftuar në ceremoninë e organizuar nga Fondacioni Heritage për inagurimin e Presidentit Trump, ku merrnin pjesë disa nga figurat më të rëndësishme politike dhe intelektuale të republikanëve dhe të djathtës amerikane, në përgjithësi.
Folësi kryesor në aktivitet ishte drejtuesi legjendar i Kongresit Neët Gingrich, aktualisht një ndër këshilluesit më të afërt të Presidentit Trump”, shkruan Basha në facebook.
Më herët ai u takua edhe me Kongresmenin Dana Rohrabacher. Basha tha se i është mirënjoës atij për mbështetjen që i ka dhënë Shqipërisë.
“Dje pata një drekë pune me Kongresmenin Dana Rohrabacher, Kryetarin e Komisionit për Europën të Kongresit Amerikan. Ai është njeri kyç për marrëdhëniet me Shqipërinë dhe jam i lumtur që është mbështetës i vendit tonë. I shpreha Kongresmenit nevojën e madhe që ka Shqipëria për mbështetjen e Amerikës jo vetëm politikisht, por edhe me ndihmë teknike dhe mbështetje ekonomike. Mora premtimin për angazhimin e tij personal për të na mbështetur në reformat ekonomike dhe qeverisëse që do të ndërmarrim”, deklaroi Basha./a.m.
