Kryetari i Partisë Demokratike, Lulzim Basha priti sot në një takim në zyrën e tij ambasadorin e ri të Bashkimit Europian në Tiranë, Luigi Soreca.
Kjo është hera e parë që kryeopozitari takohet me përfaqësuesin e BE-së që pas marrjes së detyrës.
Noa ka mësuar se në fokus të bisedës mes tyre ka qenë reforma zgjedhore.
Dy ditë më parë, Partia Demokratike publikoi edhe platformën e saj për këtë çështje, me katër shtylla kryesore.
Ndërkohë, ende nuk ka një marrëveshje konkrete mes palëve për të mbyllur paketën e ndryshimeve në kodin zgjedhor.
/b.d
