Kryetari i Partisë Demokratike, Lulzim Basha, ka mbledhur këtë të martë Kolegjin e Kryetarëve, ku është fokusuar ndër të tjera në fjalën e tij tek ndarja njëherë e mirë nga politika e vjetër 2-vjeçare, që sipas tij, i kanë ndarë demokratët nga njerëzit.
Basha vijoi më tej duke thënë se, PD ekziston jo për t’i shërbyer interesave të saj personale, por për t’i shërbyer njerëzve dhe interesit kombëtar.
“Pjesëmarrjet në kuvendet kombëtare, nuk janë thjesht dhe vetëm mbledhje të delegatëve. Mesazhet që jepen ën fjalimet e tyre dhe fryma që përçohet përmes pranisë së tyre është një tregues i qartë.
Dua t’i drejtohem secilit prej delegatëve, dhe drejtpërdrejt i falënderoj edhe njëherë për pjesëmarrjen dhe për integritetin e lartë qytetar me vendimet historike që morën për momentin që ndodhet Partia Demokratike dhe vendi.
PD nuk ekziston për t’i shërbyer vetes së sa, por për t’i shërbyer interesit kombëtar e njerëzve. Dhe është kjo vetëdije që na ka mbajtur gjallë nga goditjet e njëpasnjëshme në të tre këndet e një kaste të vjetër politike, që lidhen ngushtë me interesa financiare dhe kriminale, që po dalin e po shpalosen para gjithë botës.
Dua ta them qartë se ne, për dy vite, me apo pa vullnetin tonë, kemi qenë pjesë e një agjende që na ka larguar nga njerëzit, na ka larguar nga hallet e tyre të përditshme. Na ka larguar nga shqetësimet e tyre.
Por, kjo nuk është politika që ne kemi zgjedhur të bëjmë. Nuk është politika që njerëzit duan dhe presin nga ne ndaj në 2 shtator vendimet e Kuvendit janë të qarta. Që të ndryshojmë dhe të mos mbetemi në hullinë e kësaj politike, që politikën e shohin si një instrument përfitimi, pasurimi, imuniteti.
Sot mblidhemi me një trupë përcaktuese për agjendën organizative të partisë. Objektivi ynë i parë duhet të jetë integrimi në strukturat e partisë demokratike, në një kohë mosbesimi të thellë, të shkaktuar nga dështimet e njëpasnjëshme të politikës për të zgjidhur hallet e njerëzve.”
Kreu i PD, Lulzim Basha
