Kryetari Partisë Demokratike deklaroi se rrugëtimi europian pengohet nga asgjësimi i votës.
Këto deklarata kreu demokrat i bëri pas takimit me ministrin e Jashtëm të Çekisë i cili ndodhet në Tiranë në një vizitë zyrtare.
Basha nuk komentoi deklaratën e Ambasadës së SHBA për protestën e nesërme të opozitës, por i kërkoi që mos të jetë pale me asnjë person dhe asnjë parti politike në vend.
“Une nuk i komentoj deklaratat e partnereve, por te jetë palë me vlerat demokratike dhe me luftën kundër krimit dhe korrupsionit” – tha ai.
Basha u shpreh se protesta e nesërme do jetë një tjetër rast për të ngritur zerin dhe per t’u bashkuar siç ishte ajo për teatrin dhe ajo e studenteve.
Ditën e sotme, ambasada Amerikane në Tiranë pati një reagim të ashpër ndaj opozitës që dorëzoi mandatet.
Teksa bënte thirrje kundër protestave të dhunshme, Uashingtoni kërkoi që PD-LSI të mos pengojnë deputetët e rinj që duan të bëhen pjesë e Kuvendit.
Gjithashtu në deklaratë thuhej se qeveria dhe parlamenti janë legjitimë dhe këto institucione njihen ndërkombëtarisht.
/javanews/a.rada
