Kryedemokrati Lulzim Basha është rikthyer në skenën politike me akuza ndaj qeverisë.
Më konkretisht, Basha ka sulmuar të premten shefin e ekzekutivit dhe disa të tjerë, që Basha i përgjithëson me epitetin “klientë” por pa i përmendur me emër.
Kreu i PD ka dhënë edhe sqarimin sipas tij se përse ka varfëri në Shqipëri.
Ja çfarë shkruan kryeari i Partise Demokratike në Facebook:
Shqiptarët janë sot të varfër sepse janë të vjedhur.
Varfëria, papunësia, mungesa e mundësive vijnë nga grabitja që po i bëhet Shqipërisë nga Edi Rama me një grusht klientësh.
Paratë tuaja, paratë e shqiptarëve po i vjedh Edi Rama me familjen dhe miqtë e tij. Pasurohen të pushtetshmit dhe të pasurit, varfërohen njerëzit e thjeshtë dhe të pambrojtur.
Miliarda euro janë vjedhur, abuzuar dhe shpërdoruar nga Edi Rama këto 6 vjet, të gjitha kanë përfunduar në xhepat e tij ose janë shpërdoruar për tekat e tij në fasada dhe lluks, ndërsa shqiptarët nuk sigurojnë dot bukën e përditshme.
Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët e Edi Ramës.
Edi Rama është artist i mashtrimit. Çdo gjë që ka premtuar, cdo gjë që ka thënë ka qenë mashtrim me qëllim për të vjedhur. Çdo projekt, program dhe politike është mashtrim për shqiptarët në shërbim të oligarkëve.
Që të çlirojmë ekonominë dhe të hapim vende pune e mundësi për çdo shqiptar, duhet të largojmë Hajdutin Psiqik dhe bandën e tij grabitqare.
/a.r
