Zëvendësministri i Mbrojtjes, Petro Koçi komentoi sot dorëheqjen e Valdrin Pjetrit, nga marrja e detyrës së kryetarit të bashkisë Shkodër, ndërsa u shpreh se “Basha s’ka asnjë të drejtë të shesë moral përballë Pjetrit”.
“Valdrini mban përgjegjësi të pashlyeshme ndaj publikut dhe PS për atë që duket deri tani si një naivitet vetëvrasës për mosdeklarimin e episodit rëndues studentor. Këtë episod Basha e konsideron një dhuratë politike. Por Basha s’ka asnjë të drejtë të shesë moral përballë Pjetrit”, tha Koçi.
Sipas tij, “Basha nuk qe 20 vjeç në drejtimin e MB kur shteti vrau 4 vetë mes bulevardit në 21 Janar”.
“Valdrini të paktën është më i ndershëm se Basha me dorëheqjen e tij dhe shqiptimin publik të rastit. Gjë që Basha nuk e bëri as pas 21 Janarit e as pas akuzës së prokurorisë për shpërdorimet shumëmilionëshe në rrugën e Kombit”, tha Koçi.
/a.r
