Greva e urisë që po mbahet prej disa ditësh nga punonjësit e rafinerisë së naftës dhe stacionit të pompimit të ujit në Pocem është mbështetur nga kryedemokrati Lulzim Basha.
Me anë të një shkrimi në Facebook, Basha shprehet se loja e pushtetarëve me fatin e tyre është kriminale.
“Mbështes plotësisht punonjësit e rafinerisë së naftës dhe stacionit të pompimit të ujit në Poçem dhe aktet e tyre sublime, përfshirë grevën e urisë. Kërkesat e tyre janë të drejta dhe duhet të gjejnë zgjidhje të menjehershme. Indiferenca dhe loja e pushtetarëve me fatin e tyre është kriminale”, shkroi Basha.
Punonjësit kanë dalë në grevë duke thënë se kanë 27 muaj pa u paguar.
Stacioni i pompimit të ujit në Pocem ka 18 punonjës, të cilët shprehen nuk kanë marrë paga për punën e tyre.
/a.r
