Kryedemokrati Lulzim Basha uroi besimtarët për festën e Krishtlindjes nga Kisha e Shën Palit në Durrës dhe Kishat e Shën Mhillit dhe Shna Ndout në Laç.
Ai ka zëvendësuar për pak minuta priftin e kishës, duke i zënë vendin e duke mbajtur fjalën e rastit.
Basha tha se ka besim që dita e shenjtë ka fuqinë të bashkojë shqiptarët për të përballur çdo të keqe si një familje.
“Mendimet dhe lutjet e mia janë për ata që janë më shumë në nevojë e në veçanti, për të goditurit nga tërmeti i 26 Nëntorit. Mirënjohje shërbëtorëve të Zotit që janë gjendur pranë njerëzve në nevojë që në çastet e para të fatkeqësisë që la pas tërmeti.
Kam besim se kjo ditë e shenjtë e Krishtlindjes, ka fuqinë dhe magjinë për të bashkuar shqiptarët si një familje, për tu përballur me çdo të keqe dhe për të dalë në dritën e begatisë dhe bekimit të Zotit!
Sjelltë kjo ditë besim dhe shpresë dhe ua mbushtë zemrat me dritë të gjithë shqiptarëve. Zoti e bekoftë Shqipërinë, Kosovën dhe shqiptarët kudo ku janë!”, shkruajti Lulzim Basha.
/a.r
