Kryetari i Partisë Demokratike Lulzim Basha deklaroi nga çadra e protestës se hapi i parë i asaj që ai e quan republika e re që do lindë pas largimit të Ramës, të jetë dhënia fund e fenomenit të kultivimit të kanabisit. Ai tha se beteja kundër drogës do të fitohet vetëm kur të përmbushet kauza për zgjedhje të lira. Ai deklaroi se do të nxirren nga kryeministria trafikantët me të cilët do të mbushen burgjet.
“Instrumenti i vetëm që krijon qeveri llogaridhënëse janë zgjedhjet e lira. Një republikë e re po lind dhe zdjidhja është në shpirtin, trupin e republikës së re. Nuk ëhstë zgjidhja që do të vijë nga një njeri, nga një autoritet, nga kryeministri i republikës së re, por është zgjidhja që është shkruar në trupin, shpirtin e republikës së re. Zgjidhja është ndarja përfundimtare me problemin katastrofik të drogës. Duke i nxjerrë narkotrafikantët nga sallonet e kryeministrisë duke i çuar te 313-a, derisa t’i mbushim burgjet. Kultivimi dhe trafikimi i drogës do të mundet vetëm kur të kemi një qeveri që nuk është në konflikt interesi në luftën kundër krimit. Na duhet një orë e më parë të fitojmë betejën për zgjedhje të lira e të ndershme dhe të nisim rrugëtimin e një republike të re”, tha Basha.
/a.m.
