Kryetari i Partisë Demokratike Lulzim Basha mbajti një fjalim para protestuesve te çadra e ngritur para kryeministrisë. Ai deklaroi se fuqia e Edi Ramës janë kriminelët, ndaj sipas tij nuk ka kthim pas deri në rrëzimin e kësaj republike të krimit siç e quan Basha.
“Mbështetja jonë, fuqia jonë, janë këta njerëz, janë vlerat e tyre, janë qytetarët shqiptarë. Fuqia e Edi Ramës janë kriminelët, trafikantët. Nuk u mjaftua që i ul në tavolinat e drekave. Nuk u mjaftua t’i fusë në parlament, por tani që i ka ardhur ora të qerohen, është Edi Rama që i mban aty, kundër ligjit, kundër kushtetutës. Ky e mban Armando Prengën, ky e mban Elvis Rroshin, ky i mban banditët dhe nxjerr banditë të tjerë nga burgu. Kjo është republika në shtratin e vdekjes pa kthim, derisa ta varrosim me fuqinë e bashkimit qytetar. Bashkë po i japim frymë një republike të re, që është më e madhe se Lulzim Basha, më e madhe se PD, është republika e shqiptarëve”, deklaroi Basha./a.m.
