Për Lulzim Bashën rekomandimi pozitiv i KE për çeljen e negociatave, nuk e hap derën e BE.
Basha deklaroi se shkoi në Gjermani për të lobuar për mbështetje.
“Qëllimi im në Gjermani për të lobuar për një votë Pro për hapjen e negociatave.Për çdo kapitull kërkohet vota e çdo vendi anëtar. Kam pasur disa takime në Gjermani, kërkesa ime ka qenë e qartë: Shqipërisë t’i hapen negociatat. Në dialogun me palën gjermane kemi hasur jo pak skepticizëm për plotësimin e kushteve të kërkuara“, deklaroi Basha.
Më tej Basha theskoi edhe arsyen se përse PD kërkon me ngulm hapjen e negociatave.
“Rekomandimi pozitiv është ftesa për t’u futur në oborrin e BE, por derën nuk e hap rekomandimi. Hapja e negociatave është një proces i gjatë dhe i mundimshëm. Na pret një punë e gjatë dhe voluminoze. Në Berlin kërkova votën pro nga Gjermania. Janë 35 kapituj negocitash, hapen nga dy në çdo vit. Sot nuk është dita për të festuar, por për të punuar. Opozita e ka nisur punën para se të vinte lajmi i mirë. BE kërkon 5 kushte, por për Gjermaninë janë 7 kushte.
Pse e kërkojmë ne hapjen e negociatave? A kemi arritje kundër krimit, drogës, bandave. Edhe politikanët e lidhur me krimin, si rasti i Tahirit dhe ish-drejtorëve që janë në kërkim, janë raste flagrante. Kërkojmë hapjen e negocitave, pasi sa më shumë ‘sy e veshë’ nga BE në drejtim të Shqipërise, i bën mirë vendit. E kërkojmë hapjen e negociatave sepse: Sa më shumë të avancojë procesi i integrimit, aq më shumë presion do të ketë mbi qeverinë”, deklaroi Basha
Lulzim Basha i kërkoi Ramës të marrë përgjegjësitë e tij dhe të lejojë arrestimin e Tahirit.
“Është momenti që gjithsecili të mbajë përgjegjësitë e veta. Unë i kam marrë. Ora që Edi Rama të marrë përgjegjësitë e tij të mos fshihet pas fishekzjarreve e shashkave. Të marrë përgjegjësi të lejojë arrestimin e Saimir Tahirit. Të lejojë hetimin e çdo politikani të përfshirë në korrupsion”, deklaroi lideri i PD
javanews.al/a.ç
