Lideri i opozitës Lulzim Basha ka hedhur akuza drejt Kryeministrit Rama duke e cilësuar si gënjeshtarin dhe kryepërgjegjësin e aferës korruptive të CEZ. Në një postim në rrjetin social Facebook, Basha i referohet daljes publike të Kryeministrit Rama këtë të premte, ku tha se marëveshja me kompaninë Ceke shmangu borxhin e papërballueshëm që do të paguante vendi nëse do të shkohej në arbitrazh.
Basha artikuloi përsëri kërkesën për hetim ndërkombëtar, duke fajësuar sërish kryeministrin se po tenton të bllokojë zbardhjen e ngjarjes.
Postimi i plotë i Lulzim Bashës:
Kryepergjegjesi per vjedhjen e 600 milion eurove u shfaq sot krenar per vjedhjen e shekullit. Ne krah te kopaceve bojedale e te pergenjeshtruar nga BE dhe nga qeveria ceke, Kryemashtruesi genjeu prape shqiptaret kur deklaroi se avokatet e qeverise keshilluan terheqjen nga arbitrazhi. E kunderta eshte fakt. I kerkuan te vazhdonte pa humbur kohe gjyqin. Por ai e kish ndare mendjen ti ndante 600 milione euro te shqiptareve me CEZ. Dhe per te humbur gjurmet ndaloi me ligj hetimin e vjedhjes se shekullit. Nese nuk ka gje per te fshehur pse pengon hetimin nderkombetar? Sepse eshte i zhytur deri ne fyt ne kete afere.
