Kryetari i partisë Demokratike Lulzim Basha ka reaguar lidhur me lajmin e përhapur për dorëheqjen e 8 mjekëve të Shërbimit të urgjencës në QSUT, lajm i cili u mohua më aps nga vetë shefi i shërbimit por edhe drejtoria e QSUT.
Kreu i opozitës shkruan në rrjetet sociale se se jemi para një akti të paprecedentë që pasoj eksopdin sipas tij të shqiptarëve në këto 4 vite. Ai shkruan se Rama duhet të anulojë konçesionet korruptive sipas tij për të investuar për kushtet e punës.
Statusi:
Dorëheqja e mjekëve të Urgjencës është akt i paprecedentë, që pason eksodin në këto 4 vite të qindra mjekëve të tjerë, dhe tregon gjendjen e mjerueshme të shëndetësisë.
Arsyeja e dorëheqjes për shkak të mungesës së kushteve minimale të punës është dëshmia më e dhimbshme e dështimit te eksperimentit fatal të Edi Ramës me “shëndetësinë falas”.
Në emër të misionit të tyre human, u kërkoj mjekëve të rishikojnë vendimin e tyre, të mos e braktisin Urgjencën, sepse qytetarët kanë nevojë për ta!
I bëj thirrje Edi Ramës të reagojë menjëherë për t’u siguruar mjekëve të urgjencës kushte normale pune! Nga këto kushte varet jeta dhe shëndeti i qytetarëve shqiptarë.
Mjafton që Rama të anullojë 4 koncesionet korruptive në shëndetësi për të siguruar 400 milionë euro investime jetike për sistemin shëndetësor në kolaps.
/a.m.
