Kryetari i PD, Lulzim Basha, përmes një statusi në facebook, ka deklaruar se kryeministri Rama po përpiqet të ngjallë frike dhe këtë e bën në përpjekje për të ruajtuar pushtetin e tij.
Shefi i opozitës, thotë se Rama flet për për destabilizim të vendit nga qëndresa e qindra mijëra shqiptarëve për votën e tyre të lirë, por sipas Bashës, Shqipëria është e destabilizuar nga krimi dhe droga dhe bandat në pushtet.
SHKRIMI I PLOTË I BASHËS
Në përpjekjet e dëshpëruara për të ruajtur me çdo kusht pushtetin e tij, Edi Rama po përpiqet të ngjallë frikë. Ka disa ditë që flet për destabilizim të vendit nga qëndresa e qindra mijëra shqiptarëve për votën e tyre të lirë.
Në të vërtetë, Shqipërinë e ka destabilizuar Edi Rama në këto 4 vite. Ne e bëmë Shqipërinë vend anëtar të NATO-s, por nën drejtimin e tij sot shteti nuk kontrollon dot as kufijtë dhe as territorin e tij, sepse ato janë nën kontrollin e krimit të organizuar dhe të bandave të drogës. Shqipërinë e ka destabilizuar krimi i ngritur në pushtet, e kanë destabilizuar deputetët kriminelë, kryebashkiakët kriminelë, policët, doganjerët dhe drejtorët kriminelë. Shqipëria është sot e destabilizuar, sepse qytetarët janë në dëshpërim dhe pasiguri totale dhe po e braktisin atë në masë. Shqipëria është e destabilizuar sepse ekonomia e saj po vdes dhe po zëvendësohet nga ekonomia e drogës. Shqipëria është e destabilizuar sepse arsimi, shëndetësia janë shkatërruar.
E vetmja shpresë që mbetet për ta stabilizuar Shqipërinë është çlirimi i vendit nga krimi dhe kthimi në rrugën e lirisë dhe të demokracisë. Këtë do të bëjnë qytetarët në bashkimin e pathyeshëm popullor për Republikën e Re. #NgrihemiBashke #ZgjedhjeTeLira #RepublikaeRe/javanews.al
c.a
