Kryetari i PD Lulzim Basha, gjate fjales se tij ne Kuvend ne sesionin e dyte te kesaj legjislature per vitin 2018, akuzoi kryeministrin Rama se po kap institucionet për të mbrojtur kriminelët që e mbajnë në pushtet
“Kthehemi pas një muaji në vendin e krimit, në 18 dhjetor shumica e kapur nga krimi kreu krimin kushtetues, kapi prokurorinë dhe që prej asaj date janë shembullor kolonat e demokracisë. Rruga që ka nisur Rama të çon drejt një fundi të njohur për homologët e tij kudo në botë. Rama po kap institucionet për të mbrojtur kriminelët që e mbajnë në pushtet me votat e vjedhura”, deklaroi Basha.
“Pasi Rama kapi prokurorinë Tahirit iu hoq masa e ndalimit për të dalë jashtë vendit, Orest Sota u lirua, po bëhen sforco për të ndaluar hetimet nda Dakos së Durrësit dhe Sejdinit dhe klanit të tij që goditi policinë e shtetit. Ish-deputetit Frroku dhe grupit Xibraka iu ulë dënimi. Hetimet për Shullazin kanë marrë kthesë të forta.
Sot prokuroria njoftoi refuzimin e hetimit për pengimin e deputetëve të opozitës në 18 dhjetor. Sot ka ndodhur një grabitje në mes të Tiranës, dje një vrasje, po ashtu edhe një para pak ditësh, eksplozivi është bërë i përditshëm’ tha ai.
