Kryetari i Partisë Lulzim Basha e ka nisur ditën këtë të hënë me një intervistë në emisionin “Koha për t’u zgjuar” me gazetarin Bashkim Hoxha në News24, nga ku i ka dhënë përgjigje ironive të kryeministrit Edi Rama.
“Është kthyer në satelitin tim, është hera e parë që një kryeministër bëhet satelit i kandidatit për kryeministër. Sepse nuk ka asgjë për t’;u thënë shqiptarëve, ka ardhur me premtime të mëdha në pushtet, por ekonomia është në kolaps“, tha Basha, e duke përmendur “gjumin”, me të cilin kryeministri shpesh e përdor për ta thumbuar kryedemokratin, u shpreh:
“Është ruritna ime e përditshme, problem i i kundërshtarit politik që është që 8 vite s’ka pasur asnjë bilanc, s’ka asnjë përgjigje për shqiptarët ndaj fushata e tij është përqendruar në sajesa e një koncept të dëmshem që po nuk vodhe fle gjumë. Unë jam në punë, në opozitë 8 vite, unë e PD kemi qenë nga mëngjesi dei në darkë me ta, ndaj kjo është situata ku ndodhemi sot një etje për ndryshim që do materializohet në 25 prill”.
Sipas Bashës, kryeministri “ka frikë nga debati”.
“Do hyjë në histori si fushata kur kryeministri në ikje u kthye në satelit të kandidatit për kryeministër dhe kryeministrit në ikje. E gjej rastin ti them qytetarëve që është shfaqje e qartë e hendekut mes asaj që thote e asaj që bën, si në csdo fushë në këto 8 vite, ndryshe flet e ndryshe frikësohet kjo tregon se ka frikë nga debati, fjalët e mëdha e më pas refuzimi për të debatuar tregon që ka frikë nga debati”.
g.kosovari
