Kryetari i Partisë Demokratike Lulzim Basha ishte sot në Shijak në vijim të takimeve elektorale. Basha u ndal në takm me disa qytetarë të cilët e pyetën edhe për vizitën në SHBA.
Basha u tha qytetarëve se e kishte njohur presidentin Trump me planin për një ekonomi të fortë, që do të krijojë vende pune dhe do të përmirësojë ekonominë e të gjithë qytetarëve.
“Si ia kalove në Amerikë?”, e pyeti një qytetare, ndërsa ai iu përgjigj se: “Kalova jashtëzakonisht mirë, se fjalën jashtëzakonisht e përdorim vend e pa vend por kësaj radhe jashtëzakonisht mirë. E njoha zotin Trump me modelin tonë ekonomik, që i ngjan modelit të tij ekonomik” tha Basha.
