Në përfundim të takimit me raporterët e KiE, një komunikim me gazetarët nga selia e blu, kreu i PD ka bërë thirrje për reflektim nga ana e Partisë Socialiste.
“Situata në Shqipëri është e padurueshme, PS të reflektojë. Duhen zgjedhje të parakohshme. Ligji nuk zbatohet për Kajmakun”, tha Lulzim Basha, duke theksuar se ka 5 pika për Reformën Zgjedhore.
I pyetur nga gazetarët se kur mendon se do të mbahen zgjedhjet, Basha u përgjigj:
“Zgjidhja e krizës politike, do të mundësohet prej zgjedhjeve të parakohshme parlamentare. Është çështje vullneti e të gjitha plagëve. Opozita ka një plan me 5 pika për Reformën Zgjedhore. E kam thënë dhe dua ta përsëris që ka pasur dy qëndrime. Kështu nuk mund të vazhdohet më, duhet një zgjidhje. Por ka edhe nga ata që nuk duan ndryshim. Ata nga kjo gjendje përfitojnë nga korrupsioni për shkak të gjendjes. Dështimin me negociatat, shëndetësinë etj e paguajnë shqiptarët. Është koha që edhe pala tjetër është në një kurs përplasjes me palën tjetër”.
