Në bashkëbisedimin e pasdites tek çadra e protestës, kryedemokrati do të përcjellë për mbështetësit e tij qëndrimin që do të mbajë edhe në tryezën e dialogut nëse do të ketë një të tillë.
Ndërkohë burimet nga selia blu bëjnë me dije se edhe në takimin e Bashës me aleatët një ditë më parë është diskutuar për formatin e tryezës ku do të jenë të pranishëm edhe aleatët dhe jo vetëm Basha me Ramën.
Po ashtu është diskutuar që në këtë takim të mos pranohet asnjë propozim për një kryeministër politik përveçse teknik.
Këto diskutime me aleatët kryetari Basha i ka konsultuar edhe me bashkëpunëtorët e tij më të ngushtë në Partinë Demokratike në orët e vona të së mërkurës , ku është folur për axhendë konkrete të një tryeze dialogu e ku për të cilën ende nuk është përcaktuar as vendi e as ora përveçse formati nga opozita. /shqiptarja.com
