Kryetari i Partisë Demokratike Lulzim Basha ka prezantuar kandidatin e kësaj force politike për bashkinë e Vlorës, Genc Deromemaj.
Duke folur para simpatizantëve të PD në qytetin bregdetar, Basha tha se qytetarët nuk do të lejojnë më që arroganca dhe paligjshmëria e qeverisë t’i shtyjë drejt eksodit duke u dhënë përgjigje më 21 qershor.
“Arroganca, arbitrariteti dhe paligjshmëria, mjerimi, skamja dhe papunësia janë arsyet e eksodit më të fuqishëm të shqiptarëve. Kurrë nuk ka qenë hendeku më i madh midis qytetarëve që vuajnë për bukën e gojës mes qytetarëve që vuajnë për një vend pune që nuk paguajnë dot faturat e atyre që janë kredhur në luks.” është shprehur Basha
Nga ana e tij kandidati i PD për Vlorën Genc Deromemaj, falenderoi kryetarin Basha për besimin ndërsa theksoi se si përfaqësues politik premtoi se do të jetë një administrator i denjë e se të gjithë bashkë do t’ja dalin mbanë.
Redaksia Online
(Javanews.al)
