Kryetari i Partisë Demokratike, Lulzim Basha, priti në një takim kryetarin e Lëvizjes Vetëvendosjes, Albin Kurti, i cili ndodhet në një vizitë në Tiranë.
Basha e vlerësoi Kurtin për qëndrimin ndaj kauzës së studentëve e pedagogëve të pozicionuar krah PD-së.
“Kryedemokrati dhe lideri i Vetëvendosjes, ndanë të njëjtin mendim mbi rëndësinë që ka dialogu mes Kosovës dhe Serbisë, domosdoshmërinë e mos cenimit të integritetit territorial dhe shtetëror të Republikës së Kosovës dhe unitetin politik me të cilin Kosova duhet të përfaqësohet në këtë dialog.
Basha dhe Kurti shprehën vendosmërinë për t’u qëndruar vlerave dhe standardeve perëndimore, si e vetmja garanci në mbrojtje të interesit më të mirë të Shqipërisë dhe Kosovës” – thotë selia blu në njoftim.
/a.rada
