Partia Demokratike ka përgenjështruar pamjet e publikuara në media, ku pretendohej se bëhet fjalë për shtëpinë e Lulzim Bashës.
Përmes një deklarate, PD e cilëson televizionin që siguroi filmimet, si një televizion të dytë të Ramës.
“Pamjet me dron, të transmetuara nga ERTV 2, nuk i përkasin fare pallatit ku banon Kryetari i Partisë Demokratike. Këto pamje janë janë një mashtrim i shëmtuar” – shkruan selia blu në një njoftim.
Ndërkohë, PD vijon me akuza duke u shprehur se media paguhet nga pushteti i korruptuar i Rilindjes.
“Shtëpia e Lulzim Bashës është në një pallat tjetër dhe nuk ngjan aspak me atë që u paraqit në pamjet me dron nga ERTV 2. Këta shërbëtorë mjeranë, që pasurohen për të gënjyer dhe mashtruar shqiptarët, meritojnë të bojkotohen nga qytetarët, të cilët kanë të drejtë të informohen me vërtetësi, pa u helmuar nga makineria e propagandës së një pushteti të kalbur nga krimi dhe korrupsioni” – shkruan PD, por pa publikuar foto nga shtëpia që pretendon se jeton Lulzim Basha.
/a.rada
