Kreu i opozitës Lulzim Basha i ka dhënë përgjigje shqetësimit të aleatit të tij, republikanit Fatmir Mediu për një aleancë të mundshme mes Partisë Demokratike dhe Lëvizjes Socialsite për Integrim. I pyetur nga gazetarët, Basha përjashtoi çdo mundësi bashkëpunimi me partinë e Ilir Metës, duke i kujtuar medias se e ka keqkuptuar qëndrimin e aleatit të tij.
Analizën e zgjedhjeve e cilëson një proces që sapo ka nisur dhe thotë se nuk do të ketë prerje kokash, pavarësisht rezultatit që e çoi në humbje Partinë Demokratike në 21 qershor.
Këto deklarata Basha i bëri pas takimit që zhvilloi me Presidentin e Parlamentit Europian Martin Schultz, me të cilin tha se ndau shqetësimin për tre sfidat që kalon sot Shqipëria, krimi, korrupsioni dhe zgjedhjet e lira e të ndershme.
