Kryetari i Partisë Demokratike, Lulzim Basha, priti te henen pasdite në një takim NënSekretaren Amerikane të Shtetit për Çështjet Evropiane dhe ato Euroaziatike, Victoria Nuland.
“Kam marrë mbështetjen e plotë nga NënSekretarja Amerikane të Shtetit për Çështjet Evropiane dhe ato Euroaziatike, për përpjekjet e Partisë Demokratike dhe platformën tonë për të trajtuar këto probleme parësore të demokracisë shqiptare dhe pikë së pari, çeshtjen e dekriminalizimit, që shqiptarët të kenë një parlament dhe një pushtet vendor të pastër pa rekorde kriminale, që do të thotë që Partia Demokratike do të vazhdojë të ecë përpara me platformën e saj për të çuar në Parlament për herë të dytë propozimet e saj, me qëllim që kushdo qe është anetar i Parlamentit apo kryetar i njësive vendor, të ndalohet nga ushtrimi i funksioneve, pra largimi nga prlamenti dhe pushteti vendor i të inkriminuarve, si dhe perjashtuar nga kandidimi në zgjedhjet parlamentarë. Ne do të kërkojmë që të vihen para përgjegjësisë penale të gjithë ata që abuzuan, kërcënuan apo i bënë presion zgjedhësve, nderkohe qe do të ecim përpara me propozime konkrete”, tha Basha pas takimit me Nuland.
