Kreu i Partisë Demokratike Lulzim Basha përmesnjë postimi në “Facebook” ka reaguar në lidhje me protestën e opozitës që do të zhvillohet ditën e nesërme para kryeministrisë.
Kreu i selisë Blu, shprehet se shqiptarët do të vijën të bashkuar në Tiranë dhe do të rrëzojnë kryeministrin Edi Rama.
Basha ka akuzuar Ramën se ka penguar protestat e opozitës për të mbrojtur pushtetin e tij.
Postimi i Bashës
Shqiptarët do të vijnë të bashkuar dhe të vendosur nesër në Tiranë! 16 shkurti është dita kur një popull që është vjedhur, është tradhëtuar, është poshtëruar nga një klikë që e varfëron përditë, ngrihet të marre në dorë fatet e tij si cdo popull Europian.
Në Europë ku duam të shkojmë, kur qeveria kapet duke vjedhur, ndëshkohet qeveria, IKIN HAJDUTET NË BURG! Nuk VUAN populli!
Përgjegjësia për cdo pengesë që i bëhet të drejtës së shqiptarëve për të protestuar kundër pushtetit të vjedhur me votat e krimit do bjerë e gjitha mbi këtë qeveri hajdute dhe kryehajdutin e saj! Sovrani në Republikën e Shqipërisë është populli shqiptar!
E.Xh./
