“Edi Rama prishi çdo zgjedhje që pati në dorë. Që nga Korça, dy muaj pasi pati ardhur në pushtet”. Kështu deklaroi Lulzim Basha ditën e sotme në çadrën e opozitës.
Kreu i PD tha se Rama krenohet kur pi kafe me Tërmet Peçin dhe Vangjush Dakon.
“Unë krenohem kur pij kafe me Artan Fugën, ndërsa Rama krenohet me Tërmet Peçin, Ndokën dhe Gjushin” – tha Basha.
Sipas tij, Edi Rama e mbushi vendin me drogë nga veriu në jug.
“Projekti i tij politik është shkatërrimi i zgjedhjeve. Ky është plani, këtë ka bërë 4 vite me radhë duke destabilizuar vendin dhe duke shkatërruar ekonominë” – tha kreu i Partisë Demokratike.
Basha tha se Rama ka varfëruar shqiptarët nga pensionistët e deri tek investitorët që po largohen.
“Ky vend që ne e bëmë anëtare të NATO-s nuk kontrollon dot sot as territorin sepse kufinjtë janë nën kontrollin e krimit të organizuar” – deklaroi Lulzim Basha. /javanews/b.d
