Lideri i demokratëve Lulzim Basha ka deklaruar në fund të mbledhjes së grupit të PD se e nesërmja, do të jetë dhe hera e fundit që kryeministri Rama do të paraqesë buxhetin e qeverisë së tij, një buxhet që sipas Bashës i shkon logjikës së kryeministrit “t’i marrë shumicës dhe t’ja japë pakicës”.
“Flasim për pagat e pensionet, ka premtuar që do ti rrisë nga prilli, dy muaj përpara se të marrë ndëshkimin popullor me votë… po sa po i rrit? Më pak se cështë rritur inflacioni! Pagat nuk rriten me dekret qeveritar, i rrit ekonomia, por edhe me të, përsëri rritja e pagave do të jetë tepër e dobët. 15% më të vogël do ta kenë qytetarët fuqinë e tyre blerëse.
Tha vitin e fundit shëndetësia do të jetë falas apo jo? Në 3 vite shqiptarët kanë aguar 970 mln dollarë për shëndetësinë falas të Edi Ramës dhe kanë marrë më shumë ilace të shtrenjta. Shëndetësia ka rrëshikur në standarte mesjetare.
Shtresat në nevojë i goditi që në vitin e parë, u tha ikni emigrant. Asnjë lek për ta në buxhetin e vitit të ardhshëm. E kemi thënë, kjo qeveri nuk i merr në mbrojtje shtresat në nevojë, dhe ky buxhet i ardhshëm është një buxhet që i godet shtresat në nevojë.
Ky buxhet është ai i mendësisë së Ramës, merri shumicës dhe jepi pakicës. Opozita nesër do të shpalosë në detaje këtë buxhet antipopullor… alternativa jonë është që ne do të ulim taksat. Asnjë lek i qeverisë sime nuk do të shkojë për palma e gjëra luksi, asnjë lek nuk do të shkojë tek 11 shokët e Lulzim Bashës… detyra jonë primare do të jetë që askush të mos ngelet pa bukë në këtë vend.”– tha Basha.
