Prokuroria nisi hetimet për kryetarin e PD, Lulzim Basha për dekonspirim të operacionin ku u kapen 3.4 milionë euro.
Por Partia Demokratike, përmes deputetit Flamur Noka tha se Shqipërisë nuk do t’i hapen negociatat me BE as në vitin 2019, pasi fenomeni i drogës nuk është luftuar dhe rasti i gjetjes së 3.4 mln eurove në mjetet “Toyota Yaris” dy ditë më parë në Portin e Durrësit, “është simboli i përfshirjes së qeverisë në trafikun e drogës”.
“Droga dhe pastrimi i parave të pista nga organizatat kriminale me mbështetje qeveritare janë arsyet pse Shqipërisë nuk iu hapën negociatat, dhe nuk do hapen as në 2019. Mediat italiane thonë se në muajt e fundit është kapur 10 ton drogë.
Rasti i 3.4 mln euro në Toyota është simboli i përfshirjes së qeverisë në trafikun e drogës”, u shpreh deputeti i PD, Flamur Noka.
Javanews/a.ç
