Kryetari i Partisë Demokratike Lulzim Basha vijoi turin e bashkëbisedimit me qytetarët në Kukës, Has dhe Tropojë. “Basha u njoh me shqetësimet e banorëve dhe tregtarëve për papunësinë, rënien e fuqisë blerëse, rritjen e taksave dhe çmimit të energjisë” – njofton zyra e shtypit të PD.
Duke u ndalur te largimet për azil, lideri i opozitës Lulzim Basha tha se kjo situatë kërkon zgjidhje konkrete dhe Partia Demokratike ka ofertën e shpëtimit.
“Ju meritoni zgjidhje konkrete, ne do japim zgjidhje konkrete, duke nisur me problemin më të madh, me papunësinë, me varfërinë, me pamundësinë për të mbyllur muajin që janë sot problemet më të mëdha në Shqipëri. Mbështetje për biznesin e vogël, mbështetje totale për fermerët dhe blegtorët e Tropojës, fond mbështetje për punësimin e të rinjve, për rininë tropojane, fonde për turizmin dhe për infrastrukturën” – tha Basha.
