Kryetari i Partisë Dmeokratike Lulzim Basha ka mbajtur fjalimin e radhës nga çadra e protestës përballë kryeminsitrisë. Gjatë mbrëmjes, ai zhvilloi një bashkëbisedim për krimet e komunizmit.
Basha deklaroi se kryeministri aktual është pasardhës i një njeriu që ka kryer krime gjatë diktaturës.
Sipas Bashës, Rama krenohet me krimet e diktaturës, duke rikthyer edhe njëherë akuzat për emërimin e Fatmir Xhafës në Ministrinë e Brendshme, që sipas opozitës ka qenë hetues.
“Edi Rama duhet të kërkonte falje për krimet e babait të tij në komunizëm, por Rama krenohet me krimin e komunizmit”, deklaroi Basha.
Basha i’u rikthye sulmeve ndaj ministrit të Brendshëm Fatmir Xhafaj.
“Ndërsa ministri i Brendshmë është njeriu, vëlli i të cilit është trafikant kokaine. Ministri i Brendshëm, Fatmir Xhafa është në dosjet e ndërkombëtarëve si njeriu i lidhur me bandat më të rrezikshme të trafikut të drogës. Krimi është krim dhe detyra e parë e Republikës së re është të ndërpresë njëherë e përgjithmonë lidhjet e politikës me krimin”, theksoi Basha.
Ai ka treguar tre kriteret që duhen përmbushur për të qenë deputet i Partisë Demokratike në Parlamentin e ri.
“Është e domosdoshme të marrim përgjegjësitë tona si opozitë demokratike dhe unë ju garantoj që do t’i marrim. Por nuk jemi parti e askujt nëse nuk jemi në radhë të parë parti e të përndjekurve politikë. Padyshim në program, të përndjekurit politikë kanë garacinë se PD se ne do të përmbyllim kaluarin 27-vjeçar, do t’i japim fund harresës dhe projekteve të shtrembërimit së historisë.
Xhelatat e komunizmit nuk duhet të ketë asnjë vend në vendimmarrjen e Republikës së Re, as në krahun e demokratëve as në krahun e socialistëve. Vendi i tyre është në skutat më të zezë të historisë shqiptare.
Tre kritere bazë janë për të qenë deputet i Partisë Demokratike në Parlamentin e ri:
-Dosjet e pastra nga lidhjet me krimin
-Dosjet e pastra nga korrupsioni
-Dosjet e pastra nga e kaluara si bashkëpunëtor apo xhelat i komunizmit”, deklaroi kreu i demokratëve
/a.m.
