Në ditën ndërkombëtare të Gruas, Lulzim Basha është shprehur se PD nuk do të bojkotojë zgjedhjet, por sipas tij, zgjedhje fasadë nuk do të ketë pasi opozita dhe populli shqiptar nuk do ta lejojnë këtë. Lulzim Basha ka theksuar se do të jetë PD ajo që do të vrasë republikën e vjetër.
“8 marsi është ditë proteste. Dëgjuam disa nga dëshmitë e grave nënave dhe vajzave të pranishme në këtë shesh. Këtu ka shumë burra dhe besoj se ndajmë të njëjtin mendim se ajo që dëgjuam ishte tronditëse. Këto vajza këto gra, janë heroinat tona, e cdo shqiptari. Shpirti i luftës për dinjitetin,m për të drejtat që garantohen me ligj edhe pse shkelen dit përditë nga kjo qeveri, të cilën së shpejti do e nxjerrim jashtë politikës së këtij vendi.
Rrënjnë e së keqes në këtë vend e kemi tek shembulli i kryeministrit, i cili ka sjellë modelin që nuk respekton por dhunon, veçanërisht gratë e këtij vendi. Një model që nuk ka dhembshuri por arrogancë. Të një modeli shpirtkamëz, i cili ka çuar deri në vetëflijim qindra gra, duke i lënë papunë. Ky është modeli i krimit të pushtet, ky është modeli i drogës në zyrat e pushtetit.
Edi Rama me sjelljet e tij dhe pasojat e rënda ndaj grave shqiptare përfaqëson vetëm modelin e krimit, modelin e drogës e trafikantëve, që i bëri deputetë e kryetarë bashkish. Sot vendi gjendet përpara një udhëkryqi, nga njëra anë janë tamtamet e krimit e drogës që mundohen të diktojnë zgjedhjet e qershorit.
Opozita e bashkuar ka marrë një vendim. Ky vendim që po kështu ka filluar, është i thjeshtë. E para organizimin në territorin e Shqipërisë të kuvendeve qytetare për zgjedhje tëlira dhe të ndershme.Këto do të jenë hapësirat e lirisë ku do të bashkohen qytetarët, punëdhënë e punëmarrës, të papunë e të punësuar, etj, për ti dhënë thellësi e qëndresë qëllimit tonë madhor, zgjedhjeve të lira e të ndershme përmes një qeverie teknike. Në këto forume ka mundësi gjithkush që të jetë pjesë e hartimit të këtij projekti të madh kombëtar. Nuk është dhe nuk mund të jetë monopol i Lulzim Bashës, i PD-së apo opozitës republika e re, por e qytetarëve shqiptarë.
Vendimi i dytë i opozitës nuk është bojkoti i zgjedhjeve, nuk do t’ja hidhni kaq lehtë, se zgjedhje fasadë me krimin nuk do të ketë. Rezistenca civile, armata e Republikë së Re do të pengojë me të gjitha mjetet qytetare, demokratike, zgjedhjet me krimin, me drogën. Ngule mirë në mendje, zgjedhje fasadë nuk ka për të pasur më në Shqipëri. I ke bërë hesapet pa popullin. Të gjithë bashkë do vrasim “Republikën e Vjetër”. Ky është themeli i demokracisë më të madhe në botë, i SHBA-së nga të cilat marrim mbështetje pa kushte për zgjedhje të lira,” tha Basha.
