Fill pas deklaratave të Edi Ramës në grupin e PS, ka reaguar edhe Lulzim Basha.
Gjatë prezantimit të platformës për ‘çlirim e zgjedhjeve’ Basha tha se kudo që ka krime të rënda, ka lidhje të autorëve me zgjedhjet.
Sipas kreut të PD, bandat janë kthyer në faktorin më të rëndësishëm zgjedhor për socialistët.
Ai renditi një sërë grupesh kriminlae që sipas Bashës tregojnë lidhjet e pushtetit me krimin në çdo qark.
“Në Prokurori ka përgjime telefonike mes Ulsi Manjës, Damian Gjiknurit, Taulant Ballës dhe Edi Ramës me grupe kriminale” – tha Lulzim Basha para deputetëve demokratë.
Basha tha se situata politike është e rëndë, saqë Partisë Demokratike i duhet të përballet jo me socialistët, por me kriminelët.
Platforma e opozitës mbështetet në katër pika, që sipas Bashës janë thelbësore;
1. Dekriminalizimi i procesit zgjedhor, ku përfshihet edhe vettingu i politikanëve
2. Masat kundër shitblerjes së votës
3. Reduktim shpenzimeve të fushatës, financim shtetëror 100%
4. Përdorimi i teknologjisë në votim, votim dhe numërim elektronik
/JavaNews/b.d
