Kryedemokrati Lulzim Basha në bashkëbisedimin e tij me qytetarët e Kombinatit në Tiranë është shprehur se qeveria e re do të ketë një plan të mirë hartuar për të gjithë.
Qytetarët i kërkojnë Bashës që shtëpitë dhe banesat e tyre të ndërtohen në truallin e tyre. Ndërkohë kreu i opozitës ka deklaruar dhe i ka siguruar qytetarët se pronat e tyre do i marrin aty ku i kanë pasur.
Gjithashtu ai ka akuzuar qeverinë, duke thënë se po e përdor rindërtimin për të vjedhur.
Në komunikimin e tij me qytetarët Basha u ka premtuar qytetarëve 300 mijë vende punë, shëndetësi falas dhe legalizime falas.
“Rindërtimin e kanë parë si një mundësi për të vjedhë. Një grup njerëzish jetojnë si sheik bashkë me Ramën dhe me oligarkët e tij ndërsa shqiptarët vuajne. Jemi bashkuar nga e majta në të djathtë në koalicion, por fakt është bashkimi i të gjithë shqiptarëve ndaj dallaverexhinjve që tërmetin dhe pandeminë e përdorën për të vjedhë. U premtoj se qeverisja e ardhshme do të ketë ekspertët e duhur për ti dhënë fund qeverisjes së deri më tanishme. Ekspertët më të mirë do të menaxhojnë dhe fondet e BE. 25 prilli është një ditë e mirë për të gjithë dhe për familjet që kanë vuajtur nga tërmeti. Ne do i trajtojmë njerëzit me drejtësi sipas dëmit që u është shkaktuar secilit prej tyre. Me 25 prill ju do të bëni të mundur që të dalim nga ky mjerim, dhe këtë e keni ju në dorë me votën, për ti dhënë fund kësaj qeverie dhe këtij kryeministri për të hapur një rrugë të re. Me 25 prill ju keni mundësi që të jepni fitoren tyre gjithëve. Procesi i rindërtimit sipas asaj që u takon ju. Banesat dhe pronat aty ku i kemi pasur. Skema që iu lëvizin është për të vjedhur prona. Çoi 300 mijë e kusurë shqiptarë në azil. E dini 8 vite me rradhë sa keq ka qenë Shqipëria. Nuk premtoj mrekulli, Shqipërisë i duhet një qeveri normale”, ka thënë Basha.
g.kosovari
