Kryetari i PD, Lulzim Basha, deklaroi sot se nuk është opozita ajo që pengon dialogun, por Rama që duhet të vi të japë dorëheqje dhe të bëjmë qeveri teknike. Sipas tij, nuk do bëhen takime për monologje shterpë.
“Nuk vi për fotografi e për dialog shterpë. Nëse do dialog cakto negociatorin për qeveri teknike. Nuk kërkoj të dorëzosh pushtetin, por të bëjmë qeveri teknike”, deklaroi Basha.
Sipas tij, Rama e ka lidhur fatin e tij me kriminelë që i bëri deputet, kryetar bashkish etj., që bëjnë ligjin. Kreu i PD nënvizoi se Rama e ka lidhur fatin e tij politik me krimin dhe trafikantët dhe me llumin sepse këta fitojnë tendera, ndryshojnë planet rregulluese.
“Kjo është arsyeja pse Shqipëria u bë vendi më i madh i shpërndarjes së kanabisit. Kjo del nga raportet ndërkombëtare. Bota është e shqetësuar nga ne. Droga është karrigija ku je ulur. Kjo është arsyeja pse nuk ikën që ti hapësh rrugën një qeverie teknike që të bëjë zgjedhje. Ndaj refuzon dialogun për qeveri teknike dhe votimin elektronik. Vetëm kriminelët s’duan votim elektronik”, deklaroi Basha. javanews.al
ma.me
