Kryetari i Partisë Demokratike Lulzim Basha mori pjesë në aktivitetin e organizuar me rastin e 27-vjetorit të themelimit të gazetës zyrtare të kësaj force RD.
Gjatë fjalës së mbajtur ai nuk ka harruar te falenderojë Ben Blushin, kreun e LIBRA-s për bashkëpunimin me të parën gazetë opozitare në Shqiperi për shembjen e komunizmit.
Basha falenderoi themeluesit dhe gazetarët e parë të cilët punuan për ngritjen e një gazete ndryshe nga shtypi i kohës.
“Dua ta nis falënderimin me dy kryeredaktorët dhe bashkëthemeluesit, Frok Çupi dhe Mitro Çela.
Po ashtu falënderoj edhe studentët gazetarë të cilët punuan vullnetarë, Blendi Fevziun, Ben Blushin, Armand Shkullakun etj.
RD do të ketë përherë një vend të veçantë në historinë jo vetëm të PD-së por edhe të Shqipërisë.
RD është nga të paktat media të lira. Është një ditë e reflektimit për lirinë e fjalës,” tha Basha./a.m.
