“Pjesa më e madhe e qytetarëve që takoj në Tiranë i kanë respektuar rregullat e higjienës dhe të distancimit social. Megjithatë shqetësim serioz mbetet situata ekonomike e rënduar nga pandemia e COVID-19”.
Është ky mesazhi i kryedemokratit Lulzim Basha, pasi është takuar me qytetarë të shumtë në Tiranë.
Ai thotë se janë të shumtë qytetarët që nuk kanë marrë asnjë lek ndihmë për kohën e kaluar mbyllur në shtëpi dhe se bizneset përballen me vështirësi të mëdha.
Sipas tij, mungesa e ndihmës rrezikon mbylljen e shumë prej tyre ndërsa të shumtë janë dhe ata që janë detyruar të heqin të punësuar nga listë-pagesat.
“Qeveria Rama i la pa ndihmë shumicën e qytetarëve dhe bizneseve. Rinisja e aktivitetit normal është shumë e vështirë për ta tashmë që veç faturave dhe taksave të larta, përballen me uljen e numrit të blerësve dhe ankthin për të ardhmen e pasigurt”, shkruan kryedemokrati.
Ai shton se xhepat e shqiptarëve janë shkundur nga pandemia ekonomike e qeverisë Rama.
Basha e mbyll qëndrimin e tij duke thënë se asnjë formë propagande dhe cirku qeveritar nuk e fsheh dot pasigurinë dhe varfërinë e tejskajshme që po pllakos në familjet shqiptare.
g.kosovari
