Kryetari i PD, Lulzim Basha përmes një mesazhi ka shprehur ngushëllimet për ndarjen nga jeta të Mihal Luarasit.
“Artistët dhe artdashësit shqiptarë i dhanë sot lamtumirën njërit prej regjisorëve më të guximshëm dhe inovatorë të Teatrit dhe të Operas dhe Baletit, Mihal Luarasi.
Duke shprehur ngushëllimet e mija për familjen dhe miqtë e tij të shumtë, përkulem me mirënjohje para veprës dhe kontributit të tij të pavdekshëm për artin dhe kulturën shqiptare.
Luarasi mbetet shembulli i lirisë së pamposhtur të shpirtit artistik dhe simbol i ringritjes nga persekucioni i filistinëve të diktaturës, drejt dritës së përjetshme të një publiku dhe kombi mirënjohës. U prehtë në paqen e Zotit” shprehet ai. Mihal Luarasi u nda nga jeta dje, ndërsa sot u përcoll për në banesën e fundit.
ma.me
