Te Varrezat e Dëshmorëve ndodhi sot një incident i shëmtuar ku disa nostalgjikë të komunizmit të cilët po kryenin homazhe me foto të Enver Hoxhës, u sulmuan nga disa mbështetës të PD.
Lidhur me këtë incident, lideri i selisë blu Luzlim Basha u pyet nga gazetarët pas homazheve që zhvilloi.
Ai tha se PD po përgatit projektligj për ndalimin e simboleve të komunizmit, por nuk dha asnjë deklaratë që të dënonte dhunën.
“PD është e anagzhuar të çojë në parlament ligjin për ndalimin e simboleve të komunizmit, por nga ana tjetër kurrë nuk do pranojmë më kthimin e të shkuarës së përgjakshme. E kjo do nisë me ndalimin e simboleve të komunizmit të gjakatarit Enver Hoxha”, deklaroi Basha./a.m.
