Kryetari i Partisë Demokratike Lulzim Basha ka mbledhur në çadrën e protestës disa përfaqësues të shoqërisë civile. Në fjalimin e mbajtur para tyre, Basha ka sulmuar shoqatat që kanë bërë peticionin për Vettingun duke i paralajmëruar se do të ndëshkohen pasi kanë marrë fonde nga shteti dhe i kanë shërbyer sipas Bashës mazhorancës kriminale.
“50 e ca shoqata, njësoj si vullnetarët e Enverit të bashkuar për një qëllim, për t’i dhënë zë alibisë kriminale, të një elite kriminale të bërë njësh me krimin. Ku ishit kur kjo qeveri krimianlizoi parlamentin, ku ishit kur ky kryeministër e mbuloi Shiqpërinë me drogë, ku ishit kur ktheu ligjin e importit të mbetjeve me të cilin erdhi në pushtet. Dita e llogarisë morale ka ardhur, dhe së shpejti do të ballafaqoheni me tranparencë. Paratë që i keni marrë për t’i shërbyer shoqërisë, i keni shërbyer krimit e korrupsionit, do të përjgigjeni një për një”, deklaroi Basha.
Por teksa sulmonte organizatat, Basha kishte mbledhur disa përfaqësues të shoqërisë civile që kanë protestuar për çështje të ndryshme kundër mazhorancës, që nga parku i lodrave te liqeni e deri tek ligji i mbetjeve. Mes të pranishmëve nuk mungonin as personazhe që kanë qenë drejtorë gjatë qeverisjes së djathtë dhe tashmë kanë dalë si përfaqësues të shoqërisë civile.
“Nga ana tjetër, keni këto vajza dhe djem të rinj, profesotë të nderuar. Njerëz me të ardhura të pakta e shpesh herë pa të ardhura por kanë fuqi të madhe kur ngrenë zërin kundër padrejtësisë. Na frymëozjnë, na bëjnë të ndërgjegjshëm, e shpesh herë na shkundin nga gjumi për t’u bërë zëri i protestës kundër padrejtësisë, këta janë ndërgjegja e shoqërisë civile. Sot ata janë këtu me ne, për të rikthyer në vëmendjen e çdo shqiptari, faktin se Edi Rama erdhi në pushtet edhe me premtimin se do anulonte ligjin për mbetjet”, deklaroi Basha./a.m.
