Është turp për Europën nëse pranon integrimin e Shqipërisë në këto kushte. Kështu u shpreh lideri i Partisë Demokratike Lulzim Basha, pas një takimi që pati me drejtorin e Politikave të Zgjerimit në Bashkimin Evropian, CHristian Danielson, në kuadër të vizitës së tij në Tiranë. Zyrtari i lartë i BE-së, takoi fillimisht anëtarët e Këshillit të Emërimeve në Drejtësi, më tej kryeministrin Edi Rama me disa anëtarë të qeverisë, dhe në përfundim, liderin e opozitës jo parlamentare Lulzim Basha dhe aleatët. Pas takimeve, Danielsson dha njoftime të shkurtra në Tëitter, mbi atë se çfarë kishte biseduar në takimet e veçanta me palët. Nuk pati asnjë prononcim nga ana e kryeministrit Rama, apo Këshilli i Emërimeve në Drejtësi.
I vetmi që i parapriu konferencës për mediat që Danielsson mbajti për të paraqitur detajisht qëndrimet e tij, ishte Lulzim Basha.
Sapo përfundoi takimin në zyrat e BE-së, aty ku Danielsson vetëm pas pak çastesh niste konferencën, Basha dha një prononcim të gjatë për gazetarët. Tha se i kishte paraqitur zyrtarit të BE0së, situatën e vështirë ku sipas tij ndodhet vendi, dhe se qeveria duhet larguar nga pushtet pasi siç ai theksoi është e lidhur me krimin. Foli për herë të parë për ndryshime të nevojshme të kushtetutës, të miratura në 2008-ën nga PS dhe PD që udhëhiqej nga Sali Berisha në atë kohë. Tha se duhet shembur i gjithë sistemi, dhe se për këtë i duhej vullneti politik. Një vullnet që sipas Bashës do të demostrohet vetëm nëse vihen para përgjegjësisë ligjore politikanët e përfshirë në dosjet 339, dhe 184, të shit-blerjes së votave në zgjedhjet parlamentare të 2017-ës.
Por teksa fliste para gazetarëve, bëri edhe një deklaratë që kalon përtej përgjegjësive të tij, e deri diku ndërron rolet me vetë zyrtarin e lartë të Bashkimit Evropian, që në muajin qershor shtetet anëtarë të këtij Unioni do na japin notën vlerësuese nëse Shqipëria e meritonn integrimin në familjen evropiane apo jo. Danielsson tha se qeveria ka dhënë rezultate konkrete në reformën në drejtësi, dhe luftën kundër krimit dhe korrupsionit duke mos ndalur apelin që të vijojë progresi në mënyrë që në verë Shqipëria të jetë edhe më bindëse për të marrë përgjigje pozitive për integrimin. Por kryedemokrati Basha, thotë se nëse Evropa na pranon në rrethin e saj, do të ishte turp për të!
/a.meta
