Kryetari i Partisë Demokratike, Lulzim Basha ka uruar sot 60 vjetorin e Traktatit të Romës, duke deklaruar se, Bashkimi Europian lindi si bashkimi për paqe, liri, demokraci dhe vlerat e përbashkëta europiane.
Në një postim në Facebook, Basha shprehet se “Gëzuar 60 vjetorin e Traktatit të Romës! Bashkimi Europian lindi si bashkimi për paqe, liri, demokraci dhe vlerat e përbashkëta europiane që sot janë edhe standardet më të larta që ka njohur njerëzimi”.
“Shqipëria ka nevojë sot më shumë se kurrë për këto vlera dhe standarde europiane të zgjedhjeve të lira, të shtetit ligjor dhe mundësive për të gjithë. #ZgjedhjeTeLira #EU60 #FutureofEurope”, shkruan Basha.
