Kryetari i Partisë Demokratike Lulzim Basha ka zhvilluar këtë të enjte një takim me vëzhguesit Këshillit të Evropës për zgjedhjet vendore. Në dalje nga takimi, Basha tha se informoi vëzhguesit e KiE-së për monitorimin e zgjedhjeve dhe të çdo forme të manipulimit të tyre. Në këtë drejtim, Basha nënvizoi se PD ka marrë të gjitha masat e duhura për mbarëvajtjen e procesit zgjedhor dhe ruajtjen e votës, duke lënën të nënkuptohet se nga ana e opoitës nuk do të ketë bojkot të zgjedhjeve.
Kreu i demokratëve u bëri thirrje qytetarëve që të shkojnë dhe të votojnë lirisht për kandidatët e tyre këtë të dielë.
“Zotërinjtë janë vëzhgues të Këshillit të Evropës, që do të përbëjnë një trupë të fuqishme për monitorimin e zgjedhjeve. I informova për tentativën e vazhdueshme të mazhorancës për manipulim të zgjedhjeve. Ne kemi marrë masat për ruajtjen e votës, për pjesëmarrjen masive në zgjedhje. Dilni dhe votoni për kandidatët tuaj.” tha Basha