Kryetari i Partisë Demokratike, Lulzim Basha, foli para gazetarëve në përfundim të mbledhjes së grupit parlamentar, duke shpjeguar se PD është pro miratimit në parim të draftit të Reformës.
Basha tha se PD kërkon “adoptimi të plotë e jo të pjesshëm të rekomandimit 88 të bërë nga Komisioni i Venecias”.
Skanimi i gjyqtarëve do të thotë të dorëzosh drejtësinë tek një kryeministër jo dosido por si Edi Rama që i gjuan gjyqtarët “Killer” që iu bën fresk atyre që në vend që ta ndiqnin penalisht dhe ta çonin para drejtësisë iu bën fresk gjithë ditën duke iu siguruar akses në një drejtësi të shantazhuar politikisht”, tha Basha.
Kreu i PD ka ritheksuar kërkesën e opozitës duke thënë se është një zotim i atij vetë por edhe kryeministrit Edi Rama në Bruksel.
“PD ka vetëm një kërkesë që është zotimi im dhe i Edi Ramës në Bruksel, zbatimin e plotë të rekomndimit final të Komisionit të Venecias. Nëse pala bie dakord jemi gati të miratojmë draftin. Nëse pala tjetër nuk bie dakord, mirupafshim, tungjatjeta”.
Partia Demokratike ka mbledhur grupin parlamentar paraditen e sotme për të vendosur nëse do të marrë pjesë në komisionin e posaçëm për reformën në drejtësi. Burime nga PD deklarojnë se mbrëmë ka patur negociata mes palëve deri në mesnatë por pa asnjë rezultat.
Dje kryeministri Edi Rama ftoi opozitën të bëhet pjesë e mbledhjes së komisionit të posaçëm për të dhënë mendimet e saj të çmuara. Pika ku palët nuk kanë arritur dakordësi ka të bëjë me vendet e rezervuara.
D.I.