Kryetari i Partisë Demokratike ka theksuar se për sa kohë që ai të drejtojë selinë blu kurrë nuk do të ketë aleancë me Edi Ramën apo Ilir Metën. Duke folur nga Lushnja, ku ka nisur një tur takimesh me demokratët në gjithë vendin, Basha tha se do e pastrojë Tiranën nga plehrat e një prillit, duke iu referuar aleancës PS-LSI.
“Lulzim Basha e ka aleancën me qytetarët. Kurrë pazar me Edi Ramën dhe Ilir Metën. Jemi gati për pastrimin e Tiranës politike nga plehrat e një prillit,” tha Basha.
Ai e akuzoi Ramën për një tender të fundit, të fituar sipas Bashës, nga njeriu që i ndërtoi vilën.
“Eurocol kishte ofertën më të lartë: 750 milionë lekë më shumë ishte oferta e mikut të Edi Ramës. Lekë gjaku të marra me hir e me pahir nga xhepat tuaj janë dhënë për selinë e re të OSHEE-së”, tha Basha.
