Lideri i PD Lulzim Basha e ka cilësuar Kryeministrin Rama si një kopjac të rëmdomtë, në lidhje me lehtësirat që ky i fundit ka propozuar këtë të hënë në takimin e tij me përfaqësuesit e biznesit të vogël. Sipas Bashës, Rama ka kopjuar pjesë të paketës së PD për taksat ndaj biznesit. Kryedemokrati tha se Rama bën atë që nuk thotë dhe thotë atë që nuk bën.
“Si çdo kopjim i keq, dhe ky që kryeministri i rrëzuar i ka bërë paketës sonë është i bastarduar, i pjesshëm demgogjik ineficenët. Kryeministri i rrëzuar e përvetësoi propozimin tonë dhe e shpalli sot para biznesit të vogël. Akoma më e rëndësishme është zbatimi konkret për pullën fiskale, apo certifikatën siç e quajti kopjaci për të mos u dukur kopjac. I intereson vetëm propoaganda, vetëm të shtyjë ditët”.- tha Basha.
Basha ka komentuar edhe në lidhje me incidentin e studentëve që goditën me vezë Kryeministrin Rama. Lideri opozitës ka theksuar se asnjë nga studnetët nuk ka lidhje me PD, pavarësisht sipas tij, orvatjeve nga ana e mediave pranë Kryeministrit, për të bërë lidhje mes PD dhe studentëve.
“Studentët, aktivistë të lëvizjes studentore janë arrestuar dhe keqtrajtuar pas një demostrimi që kanë bërë. Dua të them që PD dhe unë do jemi deri në fund në krah të kujtdo që është kundër ligjit për arsimin e lartë.
Së dyti dua të them se asnjë nga këta studentë nuk ka lidhje me PD. Dua ti bëj thirrje policisë, që të heqin duart nga studentët dhe të zbatojnë ligjin dhe të drejtat e njeriut.”- ka pëfunduar Basha.
