Kryetari i Partisë Demokratike Lulzim Basha ka mbajtur një fjalë të gjatë sot në mbledhjen e grupit parlamentar të PD-së, të mbledhur në orën 10:00 në selinë blu.
Kryetari Basha denoncoi me tone të ashpra ato që sipas tij janë arsyet e rrënimit të vendit. Ai e cilësoi qeverinë “Rama” si më të papërgjegjshmen e 25 viteve të fundit.
Basha theksoi se dyshja Rama-Meta nuk qeverisin për qytetarët por në favor të krimit. Duke thënë këtë Basha përmëndi ato që sipas tij ishin kandidimet e banditëve për bashkitë e vendit.
Nga ana tjetër ai theksoi rastin Frroku ku sipas tij, Rama mbajti të fshehur kërkimin e tij nga Interpoli.
Më tej, kryetari i PD foli për doganat, korrupsionin, rendin etj,duke i cilësuar si të dështuara falë keqqeverisjes.
