Kryetari i Partisë Demokratike Lulzim Basha ka kërkuar që të nisë sa më parë puna për reformën zgjedhore.
Në një deklaratë për mediat jashtë selisë blu, Basha tha për gazetarët se reforma zgjedhore nuk duhet të bëhet sa për sy e faqe, por “duhet t’u shërbejë qytetarëve”.
Kryetari i demokratëve u shpreh se modeli i propozuar për reformën zgjedhore është i mirëpritur, por duhet të plotësojë 3 kushte:
-Ulja e rolit të kryetarëve të partive
-Votimi elektronik
-T’i shërbejë qytetarëve
Reforma zgjedhore është e përfshirë edhe në marrëveshjen Rama-Basha të 18 Majit që u arrit përpara zgjedhjeve të 25 qershorit.
Për këtë marrëveshje, Basha tha se është shkelur nga Kryeministri Rama.
“Kjo qeveri nuk do ishte qeveri pa paratë e drogës. Në këtë kuptim, marrëveshja e 18 Majit u vra nga Edi Rama. Objekti i vetëm ishin zgjedhjet e lira dhe të ndershme. Se cili do të jetë qëndrimi i Edi Ramës do ta shikojmë”, tha kryedemokratike Lulzim Basha.
/b.d
