Pas takimit me një grup eurodeputetësh, kryetari i PD-së, Lulzim Basha u pyet nga gazetarët edhe për deklaratën e djeshme të OSBE-së për protestën.
Por Lulzim Basha deklaroi se nuk i intereson fare se çfarë kuptohet mes rreshtave, duke injoruar kështu pikërisht organizatën garante për mbarëvajtjen e zgjedhjeve.
“Unë kurrë nuk do të komentoj deklaratat e askujt sepse kam një punë shumë më të rëndësishme për qytetarët shqiptarë.
Nuk më intereson fare se çfarë kuptohet mes rreshtave, poshtë dhe sipër tavolinës. Edhe një herë, unë nuk merrem me komente dhe deklarata të misioneve të huaja.
Me durim do t’ju shpjegojmë se përqasja stabilitet mbi demokracinë ka dështuar se sot në Shqipëri nuk ka as demokraci dhe as stabilitet dhe se kjo ka vendosur një autoktrat të lidhur me Niçet e krimit” – tha Lulzim Basha.
Një ditë më parë, misioni i OSBE dënoi dhunën në protestën e opozitës teksa u shpreh se ajo u nxit nga politika.
E.Xhangoli./
